Khabria Home

Daily Khabria _{Sargodha Pakistan}

: تازہ ترین خبریں

شاعر

علامہ اقبال

لا الٰہ الا اللہ

خودی کا سر نہاں لاالٰہ الا اللہ
خودی ہے تیغ فساں لا الٰہ الا اللہ

یہ دور اپنے براہیم کی تلاش میں ہے
صنم کدہ ہے جہاں، لا الٰہ الا اللہ

کیا ہے تو نے متاع غرور کا سودا
فریب سودوزیاں، لاالٰہ الا اللہ

یہ مال و دولت دنیا، یہ رشتہ و پیوند
بتان وہم و گماں، لا الٰہ الا اللہ

خرد ہوئی ہے زمان و مکاں کی زُناری
نہ ہے زماں نہ مکاں، لاالٰہ الا اللہ

یہ نغمہ فصل گل و لالہ کا نہیں پابند
بہار ہو کہ خزاں، لا الٰہ الا اللہ

اگرچہ بت ہیں جماعت کی آستینوں میں
مجھے ہے حکم اذاں، لا الٰہ الا اللہ
(ضرب کلیم)

اس شاعر کی مزید شاعری پڑھنے کے لئے کلک کریں

000947529